Toukokuun 31 päivä

Huomena alkas lohestuskausi, saapi nähä onko kuinka usealle "elinkautiselle" lähteny talvisyönöksiltä hellustusreissule saantikala.

Koasti sitä tähään aikhaan toivothaan parvitten nousua ja sopivia soutukeliä kun net on menossä täällä Lempeän kohala ylöspäin. Monesti kuitekki vatastaa veen nousun kans joka tekkee hyätki yritykset saahliisheen toivottomiksi. Yksi Kolarin kaveri oli kerran osallistunu johonki lohikilpaihluun ja sano että tiimanpäästä oli kokassa sylilinen heiniä ja sitte tarttu pulikka niittokonheesheen, vishiin siihen joka oli virthaan heinätki irrottanu,silloin oli pojat tehneet rantaantumis päätöksen sen kisan osalta. Semmosta son kalamiehen onni, aina ei saa ja jos saa pittää sitäki ainaki jonkuvuen päästä muistela suurempana mitä se olikhaa.

Eipä muuta ko koithaan tuuria jahka sae ja veennousu loppuu.....