No nyt non vishiin alkahneet syyssatheet, vettä tullu ko aisaa ja kaveri nähny Roaniemeltä tulleshaan hirhvaat tappelemassa keskelä pikitietä.

Molen alkanu tasen koulupojaksi, väshäämä kaverin kans sitä opinnäyttämistyötä. Käythiin taas reisu tuola tutkimus kohteela ja mittailima ylälangan korkeutta maasta ko met tarttema semmostaki tieto.

Tammikuussa kirjottelin nuista vasikoitten tappamisista aikusten siihaan, mieleni ei oe muuttunu ollenkhaan niistä ajoista ja aatoksista.Son mukava seurata alkamassa olevaa lahtaus urakkaa, eihän se lukumääräsesti koa ole mutta ettimistyö saattaa olla verrempi ko itte lahtaaminen.

Vielä sitä tuli lähettyä porukhaan vaikka muutaki hunteerasin, taisi tuo Kiira pittää minut vielä porukassa.

Tuo meän oppimisen näyttötyö son mielenkiintonen ko jokku opettajat soitteleen siittä vielä työaikansa jälkheenki ja kohta vaativat lukemisen mahollisuutta keskeneräselle hommalekki. Met piämä aiheestama hyyää huolta ja pysymä tottuuessa niinkö pittääki, eihän sen tekemiselä olis muuten mithään järkeä. Non nuot opparittenki aiheet toine toisthaan erikoisempia ja saatta jokku niitä pölätäkki. Ei muutako leuka rinthaan ja kohti uusia vastonkäymisiä,    Ugh olen taas löysäny ajatuksia irti.