Kyllä se niilä selkosila oli missä yhen yönseuvun paalailin lohta, se mulla jäi näkemättä kua kortto kerkisi leikkoa lohilta päät ja pyrstöt pois ennen ko "Krone" nieli net kithaansa. Sen unen mie halvaisin nähä uuesti niinkö senki jossa serkkupoika oli tarttunu reppukopterin lavoista sähkölankhoin Ollikaisenojan varressa.

Ei sekhään näky ole vielä tullu vasthaan missä putkiossin kans satuima Sirkkaroan laiassa Huttusen tekemälle talole jossa sytty telkkariki pääle ko pani valkean kattolamphuun. Saattaahan niihinki vielä törmätä jos lonkat antaa mettäkilometriä kulettavaksi.